Укажка з творчости: Людміла Шандалова

О найменшых

 

Зохабте дїточкы,

прошу вас шумнї,

в розпуку квіточкы

няй прийдуть ку мі

 

Зохабте премілых,

то дзбанкы без грїха,

небесам ангелы,

про землю потїха

 

Не браньте, кедь нукам,

же сі їх притулю

Несуть мі на руках

із любви кошулю

 

Дары

 

Мілый Боже, де ня зводить

моя думка блудна?

За капельков жывой воды,

там, де горьска студня.

 

Боже з небес, душа жаждить,

ці їй хыбить много?

Окрышынка на день каждый

з хлїба пшенічного.

 

Одпусть болїсть, святый Боже,

за чін покояный.

Няй покора взяти може

з дарів предкладаных.

 

Выбране з книжкы Людмілы Шандаловой Напю ся водічкы, 2020

Pridaj komentár

Vaša e-mailová adresa nebude zverejnená. Vyžadované polia sú označené *