Укажкы з творчости: Елена Хомова-Грінёва

Обрус

 

На біле полотно

намалюю квіткы:

марґареткы, фіялкы,

ружы, цінії, конвалінкы.

Помеджі них

розсію листочкы барвінка.

Не заложу рукы,

іглу не пущу з них

докаль не вышыю

обрус недїльный.

 

Не можу забыти

 

Моє сердце

ниґда не забуде на них.

На край,

на село,

на родину,

на прадїдів двір,

на стару грушку,

на хыжу,

на молитву,

на спів,

на няня і маму,

на вечерны приповідкы

свого дїда

о тяжкім жытю

і судьбі РУСИНА.

 

Выбране з книжкы Елены Хомовой-Грінёвой Уяцькыма дражками, 2020

Pridaj komentár

Vaša e-mailová adresa nebude zverejnená. Vyžadované polia sú označené *